En ĝi, oni diskutas pri ĉiuj problemoj, ne nur tion, kio koncernas ateismon, religiojn, sed oni tuŝas la mondajn problemojn.
La frakcio ne havas specialan bultenon. Oni sendas la artikolojn al
Sennaciulo. Por ke pluraj kontribuaĵoj ne alvenu samtempe en la
redakciejon de SAT, oni sendas la artikolojn al la frakcia sekretario,
kiu tralegas, kaj se necese, korektas ilin.
Ne estas speciala kotizo por aliĝi al la frakcio. dum kongresoj aŭ
aliaj manifestacioj, la respondeculo, aŭ alia membro povas inviti la
kunvenon.
KIO ESTAS LIBERPENSO ?
"Liberpenso" estas populara asocio pli filozofia serĉado kaj socia agado, kies principoj estas la racio kaj la scienco. Ĝi ne estas partio kaj ĝi estas sendependa de ĉiuj partioj aŭ tendencoj. Ĝi ne havas dogmojn kaj nur celas disvolvi ĉe ĉiuj homoj la spiriton de memekzameno - tute sendepende - sen iu ajn influo.
Ĝi konsideras ĉiujn mistikismojn kaj ĉiujn religiojn kiel la plej
malbona obstrukcio al la emancipado de la penso. Ili per eraraj
principoj kaj pereiga agado disigas la homojn, deturnante ilin de iliaj
surteraj celoj kaj disvolvas en ilia spirito la superstiĉon kaj la
timon pri la transtera vivo. Ili facile degeneras en klerikalismon,
fanatikismon, merkantilismon kaj helpas la reakciajn potencojn en la
deziro teni la popolamasojn en nesciado kaj servutuleco. Ilia ŝajna
aliĝo al niaj progresigaj ideoj estas nur nova klopodo por restarigi
ilian minacatan potencon.
La "Liberpenso", male, opinias ke la emancipiĝo de la homo estu
daŭrigata en ĉiuj kampoj. Ĝi deziras kontraŭbatali ĉion, kio celas
plimalgrandigi, submeti, perversigi la individuecon kaj defendi la
homajn rajtojn, liberecon, laikecon de la publika instruado, justicon
kaj pacon.
INVITO POR REVIVIGI LA FRAKCION
Mi komencas studon pri liberpensuloj kaj esperantistoj. Mi faras tiun laboron kadre de la Instituto por Esploradoj kaj studoj de la Libera Penso. Do, mi deziras kontakti liberpensulajn esperantistojn. Tiel mi ellaboros historion kaj biografiojn de membroj de la movado. Mi estas preta ricevi konsilojn, dokumentojn ktp.
Oni povas kontakti min: rete: doviro@netcourrier.com
Poŝte: SIMEONE Dominique
612 rue Gallieni
FR-78670 VILLENNES-SUR-SEINE
La Liberpensula Frakcio de SAT ne funkcias. Tiu Frakcio naskiĝis kun,
en kaj por SAT. Ni, liberpensaj esperantistoj ne povas resti senage
fronte al tiu situacio. Mi invitas frate samideanojn kaj kamaradojn
kontakti min kaj poste eventuale kunveni. Tiel ni povos revivigi nian
Frakcion.
Dominiko.